ငှက်ပျောပင်နှင့် ဒေသကြက်၊ ဝက် အစာနှင့် ဥစားဘဲ အစာပြုလုပ်နည်း

ငှက်ပျောပင်နှင့် ဒေသကြက်အစာပြုလုပ်နည်း (အသားဓာတ် ၁၅%) 

၁။ ငှက်ပျောပင်(ပါးပါးလှီး) – ၃၀ ကီလိုဂရမ်

၂။ ဖွဲနု – ၃၀ ကီလိုဂရမ်

၃။ ဆန်ကွဲ – ၁ ကီလိုဂရမ်

၄။ ဆား(စားပွဲတင်ဇွန်း) – ၂ ဇွန်း

၅။ သကြားအညို – ၁ ကီလိုဂရမ်

ပြုလုပ်ပုံ

      ကုန်ကြမ်းအားလုံးရောစပ်ပြီး (၅) ရက်ခန့် ပုံးထဲတွင် သိပ်ထားပါ။(၅)ရက်ပြည့်လျှင်ကြက်/ ဘဲများကို ကျွေးနိုင်ပါပြီ။ 

စရိတ်သက်သာသော ဝက်စာပြုလုပ်နည်း

၁။ ပီလောပီနံ – ၁၀ ကီလိုဂရမ်

၂။ ဖွဲနု – ၁၅ ကီလိုဂရမ်

၃။ ထမင်းဖြူ – ၁ ကီလိုဂရမ်

၄။ ငါး (သို့မဟုတ်) ခရုနှပ်ရည် – ၁ လီတာ

ပြုလုပ်ပုံ

      ကုန်ကြမ်းအားလုံးကို ရောစပ်ပြီး သမအောင်မွှေပေးပါ။ လက်ဖြင့် အတုံးလေးများဖြစ်  အောင်  ဆုပ်ပေးပါ။ ထိုအလုံးလေးများကို လေသလပ်ခံပြီး အခြောက်လှမ်းပါ။ ခြောက်ပါက တိရစ္ဆာန်အစာ( ဝက်၊ ဖား၊ ငါးခူ)တို့ကို ကျွေးမွေးနိုင်ပါသည်။ 

ဥစားဘဲစာပြုလုပ်နည်း

ဘဲဥထွက်နှုန်းတိုးစေသော အစာပြုလုပ်နည်း

၁။ ငှက်ပျောပင်(ပါးပါးလှီး) – ၅၀ ကီလိုဂရမ်

၂။ တင်လဲရည် – ၁/၂ ကီလိုဂရမ်( ကီလိုဝက်) 

၃။ ဆား – ၃၀၀ ဂရမ်

ကုန်ကြမ်းပစ္စည်းအားလုံးကို သမအောင်ရောမွှေပြီး (၂)ရက်ခန့် နှပ်ထားပါ။

အသုံးပြုပုံ 

၁။ နှပ်ထားသောအစာ – ၁  ကီလိုဂရမ်

၂။ ဖြည့်စွက်အစာ(အသင့်ကျွေးစပ်စာ) – ၅ ကီလိုဂရမ်

၃။ ဖွဲနု – ၅ ကီလိုဂရမ်

၄။ အသီးအချဉ်ဖောက်ရည်စားပွဲတင်ဇွန်း- ၃ ဇွန်း တို့ကို သမအောင် ရောပြီး ကျွေးနိုင်ပါသည်။ ဘဲငယ်အစာတွင်လည်း အသီးချဉ်ဖောက်ရည်ကို ထည့်၍ ကျွေးနိုင်ပါသည်။ အသီးချဉ်ဖောက်ရည်မရှိပါက EM ကို ထည့်သွင်း အသုံးပြုနိုင်ပါသည်။ 

တိရစ္ဆာန်အစာ ငှက်ပျောပင်နှင့် နှပ်နည်း

၁။ ငှက်ပျောပင် (ပါးပါးလှီး) – ၁၀၀ ကီလိုဂရမ်

၂။ သကြားအညို – ၄ ကီလိုဂရမ်

၃။ ဆား – ၁ ကီလိုဂရမ်

ပြုလုပ်ပုံ

      ကုန်ကြမ်းအားလုံး၏ တစ်မျိုးချင်းစီကို (၁၀ )ပုံ ပုံပြီး ၁ပုံလျှင် ( ၁ )ထပ်နှုန်းဖြင့် ပလပ်စတစ်ပုံးထဲ ထည့်ကာ အပေါ်မှ အဖုံး, ဖုံးထားပေးပါ။ ၎င်းကို (၅ )ရက်ခန့်နှပ်ထားပေးပါ ။ (၅ ) ရက်ပြည့်ပါက ငှက်ပျောပင်နှပ်စာကို အသင့်ကျွေးစပ်စာတို့နှင့် ရောစပ်ပြီး ကျွေးမွေးနိုင်ပါသည်။ 

အလေးချိန်တွက်ချက်မှု

(၁) ကီလိုဂရမ်    – ၆၂ ကျပ်သား

(၁) ပိဿာ         – ၁.၆၁ ကီလို

“အစိမ်းရောင်လမ်းမှ ကူးယူဖော်ပြပါသည်”