မြန်မာပြည်မှာ နဂါးမယ်တော်လို့ လူသိများတဲ့ အေမီဈန်နဲ့ ဖူးပွင့်ခိုင်တို့နှစ်ဦးဟာ မလေးရှားနိုင်ငံ၊ ပီနန်းပြည်နယ်၊ ဘာတာဝပ် မှာရှိတဲ့ Bar Club တစ်ခုမှာ သီချင်းဆိုဖျော်ဖြေနေစဉ် မလေးရှား လဝကရဲ့ အော်ပရာစီနဲ့တွေ့ပြီး အဖမ်းခံလိုက်ရတယ်လို့ မလေးရှားရောက် မြန်မာ အလုပ်သမားတွေဆီက သိရပါတယ်။
၎င်းတို့နှစ်ဦးဟာ အဲဒီ Bar Club မှာ ဇန်နဝါရီလ ၁၃ ရက်နေ့ ညနေ ၆ နာရီကနေ ၁၄ ရက်နေ့ မနက် ၅ နာရီအထိ သီဆိုဖျော်ဖြေပွဲ ပြုလုပ်ခဲ့ကြတာဖြစ်ပြီး ဇန်နဝါရီ ၁၃ ညပိုင်းမှာပဲ အော်ပရာစီ စီမံချက်နဲ့ အဖမ်းခံလိုက်ရတာလို့ ဆိုပါတယ်။
❝ဒီမှာက အထောက်အထား အပြည့်စုံရှိရင်တောင် သရုပ်ပျက် အဝတ်အစားတွေ၊ Sexy Dance တွေကို လက်မခံဘူး။ သီချင်းဆိုတာလောက်ကိုတော့ ခွင့်ပေးတယ်။ အခုဟာက Sexy Dance တွေ အဝတ်စားတွေကြောင့် Hot ဖြစ်ပြီး ဝင်ဖမ်းတာဖြစ်မယ်ထင်တယ်။ ဆိုင်ပိုင်ရှင် ဖြေရှင်းတဲ့ အပေါ်မူတည်မှာပေါ့။ တော်တော်လေးတော့ ဖြေရှင်းရမယ်ထင်တယ်❞ လို့ မလေးရှားရောက် မြန်မာအလုပ်သမားတစ်ဦးက ပြောပြခဲ့တာပါ။
အဆိုပါ ဖမ်းဆီးမှုအတွင်းမှာ အထောက်အထားမမှန်သူတွေသာမကဘဲ အထောက်အထား မှန်ကန်သူတွေကိုပါ ဖမ်းဆီးသွားတာဖြစ်ပြီး အဲဒီလူတွေကို လော်လီကား ၃ စီးနဲ့ ဂျာဝီးစခန်းကို ခေါ်ဆောင်သွားကြတယ်လို့ သိရပေမယ့် နောက်ဆက်တွဲအခြေအနေတွေကိုတော့ မသိရသေးဘူးလို့ မြန်မာအလုပ်သမားတွေရဲ့ ပြောပြမှုအရ သိရပါတယ်။
𝙢𝙝𝙩𝙣𝙚𝙬𝙨
