အနောက်တံခါးမှ သူရဲကောင်းများ

၂၀၁၇ ARSA အရေးခင်းစဖြစ်ကတည်းက
အတိုက်ခံရတဲ့စခန်းဖြစ်တယ်။
(ပုံမှာပြထားပါတယ်)
.
နယ်ခြားကင်းစခန်းငယ်တစ်ခုဖြစ်လို့
၁+၉ လောက်သာရှိတာကနေ ရခိုင်ဒေသ
တကြော့ပြန်တိုက်ပွဲတွေ စတဲ့အခါမှ
၂+၁၈ နဲ့အင်အားဖြည့်တင်းထားတဲ့
ရဲကင်းငယ်တစ်ခုသာဖြစ်တယ်။
.
ဇွန်လဒုတိယအပတ်ကနေစလာတဲ့
တိုက်ပွဲကာလတောက်လျှောက်
မောင်တောမြို့နယ်နဲ့ဘင်္ဂလားနယ်စပ်
တောက်လျှောက်မိုင်တိုင် ၅၀ ကနေ
၄၀ အနားထိတပ်မတော်နဲ့ နယ်ခြားစောင့်
ရဲတပ်ဖွဲ့တွေအထိုင်ချထားတဲ့စခန်းတွေ
အကုန်ဆုတ်ပေးခဲ့ရတယ်။
.
ဇူလိုင်လ ဒုတိယအပတ်မှာ
AA သောင်းကျန်းသူတွေဟာ
နယ်ခြားမျဉ်းပေါ်ကပ်နေရာယူပြီး
မိုင်တိုင်၄၀ က နယ်ခြားရဲကင်းစခန်းကို
စတင်တိုက်ခိုက်တယ်။
လွယ်လွယ်နဲ့မရတော့ စခန်းကို
ဝိုင်းရံပိတ်ဆို့တယ်။
စစ်ကူလာရာလမ်းတွေကို
ဖြတ်တောက်တယ်။
ချဉ်းကပ်လမ်းမှန်သမျှကို
မိုင်းတွေအပြည့်ခင်းထားခဲ့ပြီး
စခန်းကိုပြင်ပ အဆက်သွယ်လုံးဝ
ဖြတ်တောက်ပိတ်ဆို့ပြီးမှတိုက်တယ်။
မိုင်တိုင် ၄၀ စခန်းကို
စတိုက်ပြီးမကြာခင်မှာ
တပ်စစ်ကြောင်းတွေရော
နယ်ခြားစောင့်ရဲတပ်ဖွဲဝင်တွေကပါ
စစ်ကူလိုက်ပေမယ့်
ခဲယမ်းပိုတဲ့အဖွဲ့တွေရော
စစ်ကူအဖွဲ့တွေပါ ရန်သူရဲ့
ဖြတ်တောက်တိုက်ခိုက်တာကိုခံခဲ့ရပြီး
ကျဆုံးဒဏ်ရာရတာတွေဖြစ်လာတယ်။
စခန်းထဲမှာခဲယမ်းရှိနေပေမယ့်
ရက်ကြာလာတဲ့အခါမှာ
ရိက္ခာကစပြတ်လာတယ်။
နယ်ခြားမျဉ်းနဲ့ကပ်နေတော့
ရဟတ်ယာဉ်နဲ့ချပေးလို့မလွယ်ဘူး
မြေပြင်ကနေလည်းအနားမကပ်နိုင်တော့
ဝေဟင်ကနေ တခြားနည်းနဲ့ချပေးရတယ်။
ဒါက မစို့မပိုပမာဏလောက်ဆိုပေမယ့်
စခန်းထဲက နယ်ခြားရဲတပ်ဖွဲ့ဝင်တွေ
ဆန့်စားပြီးတောင့်ခံထားတဲ့အခြေနေမှာရှိပါတယ်။
.
ရန်သူဟာမိုင်တိုင် ၄၀ စခန်းကို
အကြိမ်ကြိမ်ချဉ်းကပ်တိုက််ခိုက်ပြီး
နောက်ဆုံးညမှာ အင်အား ၃၀၀
ကျော်စုဖွဲပြီးတော့ RPGတေွ
စုပြုံပစ်ခတ်ပြီးတက်တိုက်တယ်။
.
၄၅ ရက်လုံးလုံးတောင့်ခံနေခဲ့တဲ့
စခန်းဟာသာလွန်အင်အားနဲ့တက်တိုက်တဲ့
ရန်သူကိုမထိန်းချုပ်တော့တဲ့နောက်
ရုန်သူတွေစခန်းထဲထိဝင်လာတဲ့အခါ
စက်ထဲကနေ ရဲအရာရှိကလှမ်းပြောတယ်။
.
“ရန်သူတွေနှစ်ထပ်ဘန်ကာနားအထိ
တက်လာပြီ။နှုတ်ဆက်ခဲ့တယ်အဘရေ
ကျနော်တို့ဆီကိုသာလှမ်းပစ်ပေးတော့”တဲ့။
နယ်ခြားမျဉ်းပေါ်ကစခန်းပေမယ့်
လက်နက်ကြီးကျည်ဟာပုံမှန်ထက်
ပိုကျလာတယ်။စက်အသံတိတ်သွားတဲ့အခါမှာ
အသက်ရှိလိုရှိငြားဖုန်းဆက်တော့
ဖုန်းတစ်ခါကိုင်တယ်
ရခိုင်သံတွေပဲကြားရပြီးနောက်ခေါ်
မရတော့။
.
တပ်ဖွဲ့ဝင်တွေအကုန်ကျဆုံးပါတယ်။
ဒဏ်ရာပြင်းတဲ့စစ်သည်တစ်ဦးကလည်း
မရေရာပါ။
.
မိုင်တိုင် ၄၀ နယ်ခြားရဲကင်းစခန်းငယ်ဟာ
အင်အား ၂၀ လောက်နဲ့ ရန်သူ့ရဲ့ဝိုင်းရံ
ပိတ်ဆို့တိုက်ခိုက်မှုကို ၄/၅
ရက်ကြာအောင်ခုခံတိုက်ခိုက်ခဲ့တယ်။
ရန်သူရဲ့နယ်မြေသိမ်းတဲ့စစ်ဆင်ရေးကို
အဟန့်တားဖြစ်စေခဲ့တယ်။
.
ရဲအရာရှိဟာ သူ့စစ်သည်တွေကို
စိတ်ဓာတ်ကျဆင်းမသွားအောင်
ဦးစီးဦးဆောင်ထားနိုင်ခဲ့ပြီး
တပ်ဖွဲ့ဝင်၂၀ ဟာ ရန်သူကို
နောက်ဆုံးအချိန်ထိခုခံသွားတယ်။
အသက်သာအသေခံသွားတယ်
ရန်သူကိုအညံ့မခံခဲ့ဘူး။
.
ဓာတ်ပုံကတော့မိုင်တိုင် ၄၀
နယ်ခြားကင်းစခန်းက တပ်ဖွဲ့ဝင်စစ်သည်တွေ
ပိတ်ဆို့တိုက်ခိုက်ခံနေရစဉ်ကာလအတွင်း
မကျဆုံးမီပေးပို့ထားခဲ့တဲ့
ဓာတ်ပုံဖြစ်ပါတယ်။
#MyanmarDefenseAnalysis
ရဲဝံ့စွန့်စား ပြည်ချစ်သား Page မှ
ကျဆုံးသွားသော နယ်ခြားစောင့်ရဲများအား
အလေးပြုရင်း ဂုဏ်ပြုမှတ်တမ်းတင် ဖော်ပြလိုက်ပါသည်။။။