ပြည်ထောင်စုနယ်မြေ၊ နေပြည်တော်တွင် ယနေ့နံနက်ပိုင်းက မြောက်ပိုင်း မဟာမိတ်အမည်ခံ အကြမ်းဖက်သောင်းကျန်းသူများနှင့် PDF အကြမ်းဖက်အဖွဲ့များအား နှိမ်နင်းဆောင်ရွက်ပေးရန် ဆန္ဒပြတောင်းဆိုခဲ့ကြသည်။
တပ်မတော်အနေဖြင့် အကြမ်းဖက်သောင်းကျန်းသူများကို အလေးထား နှိမ်နင်းဆောင်ရွက်ပေးရန်နှင့် အကြမ်းဖက်လုပ်ရပ်များ ကျူးလွန်လျက်ရှိသည့် KIA, MNDAA, TNLA, AA, PDF အဖွဲ့များ၏ အကြမ်းဖက်လှုပ်ရပ်များကို ပြင်းထန်စွာ ကန့်ကွက်ရှုန်ချကြောင်း ကြွေးကြော်၍ ဆန္ဒပြခဲ့ကြသည်။
နိုင်ငံတော်စီမံအုပ်ချုပ်ရေးကောင်စီတာဝန်ယူဆောင်ရွက်နေသည့် ကာလတလျှောက် NLD ပါတီမှ ပေါ်ပေါက်လာသော CRPN, NUG အကြမ်းဖက်အဖွဲ့များ၏ ဦးဆောင်မှုဖြင့် PDF အကြမ်းဖက်အဖွဲ့များနှင့်အတူ တိုင်းရင်းသားလက်နက်ကိုင်အမည်ခံ အကြမ်းဖက်အဖွဲ့များက အပြစ်မဲ့ ရဟန်းရှင်လူပြည်သူများအပေါ် အကြမ်းဖက်ရက်စက်စွာ သတ်ဖြတ်မှုများ ကျူးလွန်လျက်ရှိသည်။
