🌸ဆင်းရဲမှုကို ကျောပိုးမထားပါနဲ့🌸
အတွေးတွေ မမှန်တာဟာ
ဒုက္ခကို ကျောပိုးထားခြင်းပါ ။
လောကမှာ ရေများရင် မီးကိုနိုင်သလို
တရားများရင် အပူကိုနိုင်ပါတယ် ။
အတွေးရှည်လို့ ဒုက္ခဖြစ်မှုရှည်သလို
ခံစားမှု မပြီးလို့ ဆင်းရဲမှုရှည်ရတာပါ ။
ကိုယ့်အတွေးမရပ်သရွေ့ကတော့
ကောင်းကောင်းနှိပ်စက်ခံရအုံးမှာပါ ။
လိုချင်မှုဖြစ်လို့ ဆင်းရဲရတယ်ဆိုရင်
ဖြစ်တဲ့လောဘလေးကို ဖယ်ရှားပစ်ရင်
စိတ်သက်သာရာ ရသွားပါတယ် ။
မကျေနပ်လို့ ဆင်းရဲရတာဆိုရင်
ဖြစ်တဲ့ဒေါသလေးကို ဖယ်ရှားပစ်ရင်
စိတ်အေးချမ်းမှုတွေ ရသွားပါတယ် ။
မိမိကိုယ်ရဲ့အတွင်းမှာ
မသင့်တာတွေကို နေရာပေးထားရင်
ပူလောင်မှုတွေ ဖြစ်နေရအုံးမှာပါ ။
မရှိမပြည့်စုံလို့ ပူရတာမဟုတ်ပါဘူး
မသိလို့ မဖယ်လို့ ပူရတဲ့အပူတွေပါ ။
ကိုယ်က အဆိုးကို လက်ခံမထားပဲ
ကောင်းတဲ့ဘက်ကိုတွေးနိုင်ရင်
နေထိုင်ရတာ အဆင်ပြေသွားပါတယ် ။
🙏🙏🙏 သာရ ဂ ဝေ သီ🙏🙏🙏