ဇွန်လ ၂၁ ရက်နေ့မှစ၍ ဖားဆောင်းမြို့နယ်၊ ကွက်သစ်တောင်ပေါ် ကျေးရွာအခြေစိုက် ခလရ (၁၃၄)၊ ခလရ (၁၃၅) ကင်းစခန်းများနှင့် ပတောင် (ဖားဆောင်း) အခြေစိုက် BGF တပ်ရင်းဗျူဟာကုန်းတို့အား ကရင်နီတပ်မတော် (KA)၊ ကရင်နီအမျိုးသားများ ခုခံကာကွယ်ရေးတပ် (KNDF)၊ ပြည်သူ့ကာကွယ်ရေးတပ်ဖွဲ့ (PDF) များက အင်အား ၃၀၀ ကျော်ဖြင့် ဝင်ရောက်တိုက်ခိုက်ခဲ့ခြင်းဖြစ်သည်။ ” ၂၁ ရက်ကနေ ၂၃ ရက်နေ့အထိ တိုက်ပွဲပြင်းထန်နေတာပါ။ သူတို့ဘက်က ၂၀ လောက်ကျတယ်။ ကိုယ်တွေဘက်က ဒဏ်ရာရတဲ့သူရှိပေမယ့် ကျဆုံးသူမရှိသေးဘူး” ဟု Mizzima မှ ရေးသားထားတာ တွေ့ရှိခဲ့ပါတယ်။
ဖြစ်စဉ်အမှန်မှာ ဇွန်လ ၂၁ ရက်နေ့မှ ၂၃ ရက်နေ့ထိ ဖားဆောင်းမြို့နယ်အတွင် လုံခြုံရေးတပ်ဖွဲ့ဝင်များနှင့် KNDF/PDF ပူးပေါင်းအဖွဲ့များ ထိတွေ့တိုက်ပွဲများ ဖြစ်ပွားခဲ့သော်လည်း လုံခြုံရေးတပ်ဖွဲ့ဝင်များ ထိခိုက်မှုမရှိခဲ့ကြောင်း ဒေသတွင်းသတင်းပေးပို့ချက်အရ သိရှိရပါတယ်။ Mizzima မှ ဖြစ်စဉ်အမှန်မရေးဘဲ လက်နက်ကိုင် ၂ ဖွဲ့ တိုက်ပွဲများတွင် စစ်တပ်ဘက်က အသေများတယ်ဆိုပြီး ယုတ္တိမရှိ အပုတ်ချ၍ လိမ်ညာရေးသားထားခြင်း ဖြစ်ပါတယ်။
Misinformation
FACT-CHECK
