ရန်ကုန်တိုင်းဒေသကြီး၊ ဒဂုံမြို့သစ်(ဆိပ်ကမ်း)မြို့နယ်၊အမှတ် (၆၀) ရပ်ကွက်၊ ဧရာဝဏ်လမ်းသွယ်(၁)ရှိ Hotel Novel တွင် ဒီဇင်ဘာ ၃၀ရက် ညပိုင်းက မီးလောင်မှုဖြစ်ပွားခဲ့ကြောင်း သိရသည်။
အဆိုပါ မီးလောင်မှုမှာ Hotel CCTV အခန်းမှ စတင်လောင်ကျွမ်းခဲ့ခြင်းဖြစ်ပြီး မီးစက်နှိုးစဥ် Main Breaker သို့သွယ်တန်းထားသော ဝါယာကြိုးများအပူလွန်ကဲ၍ မီးစတင်လောင်ကျွမ်းခဲ့ခြင်းဖြစ်ကြောင်း စစ်ဆေးသူများ၏ အတည်ပြုချက်အရ သိရသည်။
မီးလောင်မှုကို မီးငြှိမ်းသတ်ယာဥ် ၄ စီး၊ ရေသယ်ယာဥ် ၄ စီး၊ ကွပ်ကဲမှုယာဥ် ၁ စီးတို့ဖြင့်ငြှိမ်းသတ်ခဲ့ရာ မိနစ် ၃၀ ကျော် ကြာမြင့်ခဲ့ပြီး ဝါယာကြိုးများ၊ Main Breaker နှင့် TV တစ်လုံးအပါအဝင် CCTV Receiver တို့ မီးလောင်ဆုံးရှုံးခဲ့ကြောင်း သိရသည်။
မီးလောင်မှုနှင့်ပတ်သက်၍ အသက် ၄၀ အရွယ် မန်နေဂျာအမျိုးသမီးကို ဒဂုံမြို့သစ်(ဆိပ်ကမ်း)မြို့မရဲစခန်းက ပုဒ်မ ၂၈၅ ဖြင့် အမှုဖွင့်ထားကြောင်း သိရှိရသည်။
#မီးလောင်မှု# Hotel Novel#
