ကရင်ပြည်နယ် မြဝတီမြို့မှ အသက် (၈) နှစ်နှင့် (၁၀) နှစ် အရွယ်ညီအစ်မနှစ်ဦးအပေါ် မုဒိမ်းကျင့်ခဲ့သည့် တရားခံ အမျိုးသားကို ယနေ့ နိုဝင်ဘာ (၁ဝ) ရက်၊ နံနက်ပိုင်းမှာ မြဝတီခရိုင်တရားရုံးက ထောင်ဒဏ်အနှစ် (၄ဝ) ချမှတ်လိုက်တယ်လို့ တရားရေးအသိုင်းအဝိုင်းနဲ့ နီးစပ်သူတွေဆီက သိရပါတယ်။
တရားခံဟာ ဆိုင်ကယ်အငှားမောင်းသူဖြစ်သလို အဆိုပါညီအစ်မနှစ်ဦးကို ကျောင်းကြို/ပို့လုပ်ပေးနေတဲ့ အောင်ဝင်းနိုင် ဆိုသူဖြစ်တယ်လို့ သိရပြီး ဇန်နဝါရီ (၁၁) ရက်က ညီအစ်မနှစ်ယောက်ကို ကျောင်းကနေကြိုခဲ့ပြီး မြဝတီမြို့၊ အမှတ် (၄) ရပ်ကွက်၊ ရန်ကင်းအောင်လမ်းမှာရှိတဲ့ လူမနေတဲ့အိမ်တစ်လုံးမှာ ညီအစ်မနှစ်ယောက်လုံးကို တစ်လှည့်စီ သားမယားအဖြစ်ပြုကျင့်ခဲ့သလို ဇန်နဝါရီ (၁၂) ရက်နေ့မှာလည်း ၈ နှစ်အရွယ် ကလေးငယ်ကို သားမယားအဖြစ်ပြုကျင့်ခဲ့တာပါ။
ဖြစ်စဉ်နဲ့ပတ်သက်လို့ မိခင်ဖြစ်သူက တရားလိုပြုလုပ်ပြီး ဇန်နဝါရီ (၁၂) ရက်က ရဲစခန်းသို့ တိုင်ကြားရာ မြဝတီမြို့မ ရဲစခန်းက (ပ) ၁၃/၂၀၂၃ ရာဇသတ်ကြီး ပုဒ်မ ၃၇၆ နဲ့ အမှုဖွင့် ဖမ်းဆီးစစ်ဆေးပြီး၊ ၁၀ လ အကြာမှာ မြဝတီခရိုင်တရားရုံးက ယခုလို ထောင်ဒဏ် အနှစ် (၄၀) ပြစ်ဒဏ်ချမှတ်လိုက်တာလို့ သိရပါတယ်။
crd; 𝙢𝙝𝙩𝙣𝙚𝙬𝙨
