ပုတီးအလုံးရေ ၁၀၈ လုံး ထားရခြင်းအကြောင်း
ရှေးက ချည်ကြိုးများကို အထုံးပြုလုပ်ကြပြီး ဖုထုံး ၃ ခုသာရှိသည့် ၃ လုံးပုတီးဖြစ်သည်။
ရတနာမြတ် ၃ ပါးအား ( ဝါ ) အနိစ္စ ဒုက္ခ အနတ္တ စသော လက္ခဏါရေး ၃ ပါးအား ရည်စူးကြသည်။
နောင်တွင် အကြောင်းအမျိုးမျိုးအရ အလုံးရေ တိုးလာပါသည်။
၉ လုံး ။ ၂၇ လုံး။ ၄၅ လုံး။ ၁၀၈ လုံးစသဖြင့် တိုးလာခဲ့သည်။
ခုဒ္ဒက နိပါတ် အဌကထာ တွင် ( ဆပညာသ ဗုဒ္ဓဂုဏံ အဌဝီသတိ ဓမ္မဂုဏံ စတုသတိ သံဃဂုဏံ က္ကဒံ ဓမ္မဿ လက္ခဏံ ) ဟု
ပုတီး ၏ လက္ခဏါ ကို မိန့်မှာချက်အရ ဤသို့ အလုံးရေ ကွဲပြားလာခဲ့သည်။
ဗောဇ္စျင် ခုနှစ်ပါး ရည်စူးကာ ၇ လုံး
ကိုးနဝင်း ရည်စူးကာ ၉ လုံး
သုံးဆယ့်နှစ် ကောဌာသ ရည်စူးကာ ၃၂ လုံး
ဘုရားဝါတော် လေးဆယ့်ငါး ရည်စူးကာ ၄၅ လုံး စသဖြင့် တိုးလာပါသည်။
သို့သော် အသုံးအများဆုံးဖြစ်သည့် ၁၀၈ လုံး ထားရှိရခြင်းနှင့် ပတ်သက်၍ တင်ပြရသော်
ဘုရားဂုဏ်တော် ၅၆ ပါး
တရားဂုဏ်တော် ၂၈ ပါး
သံဃဂုဏ်တော် ၂၄ ပါး စသည်ကို ပူဇော်ကာ ( ၁၀၈ ) လုံး ထားရှိခြင်း။
တနည်း
ဘုရားဂုဏ်တော် ၄၈ ပါး
တရားဂုဏ်တော် ၃၈ ပါး
သံဃဂုဏ်တော် ၂၂ ပါး စသည်ကို ပူဇော်ကာ ( ၁၀၈ ) လုံး ထားရှိခြင်း။
လောကီနည်းအရ
ဂြိုဟ်သက် ၁၀၈ လုံးအရ လည်းကောင်း။
သတ္တမိဿ နက္ခတ် ၁၀၈ လုံးအရ လည်းကောင်း။
တြင်းကြေ နဝင်းကြေ ဖြစ်ရန် ၁၀၈ လုံး အရလည်းကောင်း။
ဂါထာမန္တန်များကို ၇ အုပ်မှ ၁၀၀၀၀၀ အတွင်း စိပ်ခြင်း စုပ်ခြင်း ပြုရန် အလုံးအလီကိုက် ၁၀၈ လုံး ထားရှိခြင်း။
ဘုရားစက်လက္ခဏါ ၁၀၈ ပါးအတွက် ၁၀၈ လံား ထားရှိခြင်း စသဖြင့် မိမိပူဇော်ရာ
သန္တန်အလိုက် ၁၀၈ လုံးသည် တွင်ကျယ်လာခဲ့ပါသည်။
ရှေးသူတော်စင် ပညာရှင်များ ယူဆပုံမှာ
” လောကီအင်္ဂုတ္ထိုလ်မန္တန်ကျမ်း ” တွင် ဆူးခါးဆရာတော်ကြီးက အောက်ပါအတိုင်း ဆုံးဖြတ်ထားပါသည်။
နရဝရ ဖြစ်တော်မူသော မြတ်ဘုရား သာသနာကို ကြည်ညိုလေးမြတ်သော
သူတော်ကောင်းတို့သည် သာမထ ဝိပဿနာ ဘာဝနာ နှစ်ပါးကိစ္စ ပြီးဖွယ်အကြောင်းဖြစ်သည်ဟု
နှလုံးသွင်းကာ တစ်ရာ့ရှစ်လုံး ပြုလုပ်ရာဝယ်
{{ ဗုဒ်ဓဂုဏဉ်စ ဆပညာသံ။ ဓမ်မဂုဏဉ်စ
အဌတိသံ။ သံဃဂုဏဉစွ စုဒဒွသံ။
ကတွာ သုခံ ဇလံ လာဘတိ }}
ဟူ၍ သာမညဂါထာပြုကာ ဘုရားဂုဏ်တော် ၅၆ ။ တရားဂုဏ်တော် ၃၈ ။ သံဃဂုဏ်တော် ၁၄ ။
စုစုပေါင်း ၁၀၈ ရသောသင်္ကေတစကားသည် ပါဌိအဌကထာဋီကာများတွင်
တိုက်ရိုက်မလာငြား နေယျတ္တ ထောက်ဆဆင်ခြင်က အဆင့်ဆင့်ပင် ဖြစ်သင့်သည်ဟု ဖွင့်ပြပါသည်။
ပုတီးသည် ဗြဟ္မဏာ အစဉ်လာဖြစ်သော်လည်း
ကောင်းသောစိတ်ရှေးရှုသည့် အမှတ်သင်္ကေတလက္ခဏါ ရေတွက်မှတ်ယူခြင်းဖြစ်ရာ
ယနေ့ ဗုဒ္ဓဘာသာဝင်တို့ လက်စွဲပြုစရာ ဓမ္မသင်္ကေတအဖြစ် ရှိနေပါသည်။
ထိုထိုသော အကြောင်းတရားတို့ကို အသိတိုးအံ့စေခြင်းငှါ တင်ပြလိုက်ရပါသည်။
ပုတီးအလုံးရေ ၁၀၈ လုံး ထားရခြင်းအကြောင်း
