ကျိုင်းတုံးမြို့နယ်၊ နောင်တောင်းအုပ်စု၊ နားကော်ကျေးရွာအနီးတွင် မူးယစ်ဆေးဝါးအများအပြား ဖြတ်သန်းဝင်ရောက်မည်ဟု ပြည်သူများ၏ သတင်းပေးချက်အရ လုံခြုံရေးတပ်ဖွဲ့ဝင်များမှ သွားရောက်စောင့်ဆိုင်းဖမ်းဆီးစဉ် နားဆိုင်းကျေးရွာဘက်မှ နားတော်ကျေးရွာဘက်သို့ အာစော(၃၁) နှစ် နှင့်အားဂေါ် (၂၅) နှစ် မောင်းနှင်လာသည့် toyota hilux ယာဉ်အတွင်းမှ အစိမ်းရောင်မိုးကာစဖြင့်အုပ်ထားသည့် အဖြူရောင်ဆာလာအိတ်( ၆၀) အတွင်းမှ ဘိန်းဖြူ ၁၇၅ ကီလို၊ မက်အက်ဖက်တမင်း(ice) ၁၅၀၂ ကီလို၊ ကတ်တမင်း ၁ ကီလို ၅၅ ထုပ် ကာလတန်ဖိုးမြန်မာကျပ်ငွေ ၁၅၁၀၈၅ သိန်းခန့်နှင့် အမေရိကန်နိုင်ငံထုတ် M-16 ၁ လက်၊ ကျည် ၃၀ တောင့် ၊ M 22 ၁ လက် ကျည် ၃၀ တောင့် နှင့် လက်ကိုင်ဖုန်း ၃ လုံးတို့အား သိမ်းဆည်းရရှိခဲ့ကြောင်း သိရှိရပါတယ်။
ယခုရက်ပိုင်းအတွင်း မူးယစ်ဆေးဝါးအများအပြားကို ပိုမိုဖမ်းဆီးလာနိုင်ကြောင်း တွေ့ရှိရပြီး အကြမ်းဖက်တွေရဲ့ ပင်မငွေတွေရနေတဲ့ လမ်းကြောင်းကိုတော့ ဖြတ်တောက်ထားနေနိုင်ပြီလည်း ဖြစ်ပါတယ်။
