တစ်လအတွင်း ဆန်၊ ဆီ၊ ကြက်သွန် ဈေးနှုန်းတွေ ဘယ်လောက်ပြောင်းသွားလဲ..

ဖေဖော်ဝါရီကနေစပြီး ဆန်သစ်တွေဈေးကွက်ထဲဝင်လာလို့ အခုဈေးနှုန်းတွေက အားလုံးဆန်သစ်ဈေးနှုန်းတွေဖြစ်သွားပါပြီ။ 

ဒီတစ်လအတွင်းမှာ ဆန်ဈေးနှုန်းတွေကတော့  သိသိသာသာသာ တက်သွားခဲ့ပါတယ်။ အနည်းဆုံး ၁၀၀၀ လောက်ကနေ အများဆုံး ၅၀၀၀ လောက်ထိ တက်သွားခဲ့ပါတယ်။ ဆန်ဈေးတွေဟာ အပတ်စဉ်တိုင်းလိုလို ဈေးပြောင်းလဲတက်သွားခဲ့တာဖြစ်ပြီး ဖေဖော်ဝါရီလကုန်ပိုင်းလောက်မှာ ဆန်အချို့ ဈေးအနည်းငယ်ပြန်ကျသွားလို့သာ ကွာဟမှု ပြန်ကျဉ်းမြောင်းသွားတာဖြစ်ပါတယ်။

ဆိုတော့ ဒီလထဲမှာ ဆန်ဈေးတွေဘယ်လောက်တက်သွားလဲဆိုတာတော့ ဇယားကွက်ကနေ နှိုင်းယှဉ်ကြည့်ရှုနိုင်ပါတယ်။ 

ပြီးခဲ့တဲ့နှစ်ကုန်ပိုင်းတုန်းက ဈေးတွေအတက်ကြမ်းသွားခဲ့တဲ့ ကြက်သွန်နီတွေဟာတော့  ယခုနှစ်ဆန်းပိုင်းမှာတော့ အသစ်တွေဈေးကွက်ထဲအများအပြားဝင်လာမှုနဲ့အတူ အကျဘက်ကို ရောက်လာပြီး ပြီးခဲ့တဲ့ ဇန်နဝါရီ ၂ ရက်တုန်းကဆို ဈေးတွေတောင်ဖွင့်ခဲ့ခြင်းမရှိပါဘူး။ ယနေ့ မတ်လအစ အဖွင့်ဈေးမှာဆိုရင်လည်း အကျဈေးတွေနဲ့ပဲ စတင်လာခဲ့ပါတယ်။ ဈေးက ဆက်တိုက်ကို ကျနေတာ ဖြစ်ပါတယ်။

ပြည်တွင်းစားသုံးဆီဈေးမှာတော့ မန္တလေးဈေးကွက်မှာ ပဲဆီရော နှမ်းဆီရော ဈေးတွေငြိမ်နေခဲ့ပါတယ်။ ပြည်ဈေးကွက်မှာတော့ ပဲဆီဈေး ၁၀၀၀ ကျပ်ဝန်းကျင်လောက်တက်လာခဲ့ပါတယ်။

(စိုက်ပျိုးရေးဈေးကွက်သတင်းအေဂျင်စီ (AMIA) က ပေးပို့လာသည့် ဈေးနှုန်းများနှင့် သုံးသပ်ချက်ကို အခြေခံဖော်ပြခြင်း ဖြစ်ပါသည်။)

“အစိမ်းရောင်လမ်းမှ ကူးယူဖော်ပြပါသည်”